اسلامی جمہوریہ ایران میں رسول خدا حضرت محمد مصطفی صلی اللہ و علیہ و آلہ وسلم کی رحلت اور امام حسن مجتبی علیہ السلام کی شہادت کے موقع پر سبھی چھوٹے بڑے شہروں میں عزاداری کا سلسلہ جاری ہے اور ملک بھر کی مساجد و امام بارگاہوں اور مقامات مقدسہ میں مجالس عزا منعقد کی جا رہی ہیں۔ بعض شہروں میں جلوس ہائے عزا بھی برآمد کیے جا رہے ہیں جن میں لاکھوں کی تعداد میں عزادار شریک ہیں۔ حضرت رسولۖ و نواسہ رسول (ع) کی رحلت و شہادت کے موقع پر مجالس عزا کا سب سے بڑا اجتماع مشہد المقدس میں روضہ حضرت علی ابن موسی الرضا میں منعقد کیا جا رہا ہے جہاں ایران اور دنیا بھر سے آئے ہوئے زائرین کی کثیر تعداد موجود ہے اور روضہ رضوی کے تمام صحن اور راہداریاں عقیدت مندوں اور سوگواروں سے مملو ہیں۔
قم المقدس میں حضرت فاطمہ معصومہ سلام اللہ علیہا کے روضے میں بھی ہزاروں کی تعداد میں ملکی اورغیر ملکی زائرین جمع ہیں اور مجالس عزا کا سلسلہ جاری ہے۔ قم القدسہ کے بعض علاقوں سے چھوٹے بڑے ماتمی جلوس بھی برآمد کیے جا رہے ہیں جو بارگاہ حضرت معصومہ (س) پہنچ کر اختتام پذیر ہو رہے ہیں-
دارالحکومت تہران میں حضرت عبدالعظیم حسنی اور امامزادہ صالح علیہ السلام کا روضہ بھی زائرین سے بھرا ہوا ہے اور علمائے کرام فضائل و مناقب اہلبیت اطہار علیھم السلام بیان کر رہے ہیں۔تہران کی تمام مساجد و امامبارگاہوں اور امام زادوں کے روضوں میں مجالس عزا منعقد کی جا رہی ہیں جن میں لاکھوں کی تعداد میں عزادار، رسول اور آل رسول (ع) کی مصیبتوں کو یاد کرکے اشک غم بہا رہے ہیں۔
منگل کی شام سے شروع ہونے والا عزاداری کا یہ سلسلہ انتیس صفر المظفر یعنی آسمان امامت و ولایت کے آٹھویں درخشاں ستارے حضرت امام رضا علیہ السلام کے یوم شہادت تک جاری رہے گا۔ عراق، شام، لبنان، پاکستان، ہندوستان اور دنیا کےدیگر شہروں میں بھی رسول خدا صلی اللہ علیہ و آلہ وسلم کی رحلت اور نواسہ رسولۖ حضرت امام حسن علیہ السلام کی شہادت کی مناسبت سے مجالس غم اور جلوس ہائے عزا برآمد کئے جارہے ہیں۔

The post پیغمبر اسلام (ص) کی رحلت اور نواسہ رسولۖ کی شہادت کا غم appeared first on Shiaqaum Live - Hindi & Urdu News Portal.

مولانا سید عمار حیدر زیدی قم

نجف سے کربلا کا یہ سفر… یہ کوئی عام واک نہیں۔ یہ وہ راستہ ہے جو ہر قدم پر ہمیں ایک سبق دیتا ہے، ایک مشق کرواتا ہے، اور آنے والے دنوں کی تیاری سکھاتا ہے۔ کربلا میں امام حسینؑ اکیلے رہ گئے تھے، بیعت کمزور ہو گئی تھی، لوگ مال کے لالچ میں، جان کے خوف میں، یا اپنی ترجیحات کے جال میں پھنس کر حق سے ہٹ گئے۔ لیکن انہی دنوں میں کچھ ایسے بھی تھے جو ہر خطرے کو خاطر میں لائے بغیر امام کے ساتھ کھڑے ہوئے۔ ہانی بن عروہ جنہوں نے مسلم بن عقیل کو اپنے گھر میں پناہ دی اور اسی جرم میں شہید کر دیے گئے۔ حبیب ابن مظاہر، جو کوفہ سے جس طرح سے نکلے وہ سب کے سامنے عیاں ہے تاکہ کربلا پہنچ کر امام کا ساتھ دے سکیں۔ یہ لوگ بتا گئے کہ وفا کا مطلب ہے، ہر حال میں، ہر قیمت پر امام کے ساتھ کھڑا رہنا۔

آج کا مشی اربعین بھی ہمیں یہی سکھا رہا ہے۔ نجف سے کربلا کے راستے پر چلتے لوگ، ایک دوسرے کی خدمت کرتے، تھکے ہوئے زائر کے پاؤں دبانے والے، اجنبی کو کھانا پیش کرنے والے، یہ سب ہمیں وہی سبق یاد دلا رہے ہیں کہ کل جب امام وقت کا ظہور ہوگا تو راستے آسان نہیں ہوں گے۔ دنیا کی طاقتیں رکاوٹیں ڈالیں گی، جیسے آج غزہ میں شہادتیں ہو رہی ہیں مگر غذا پہنچنے نہیں دی جا رہی۔ عوام کے دل غمزدہ ہیں مگر حکومتیں اپنے آقاؤں کے آگے مجبور ہیں۔ کیا آپ سمجھتے ہیں کہ کل ظہور کے وقت یہ طاقتیں ہمارے راستے چھوڑ دیں گی؟ ہرگز نہیں۔ وہ ہر ممکن کوشش کریں گی کہ امام تک پہنچنے کے راستے بند کر دیں۔

یہی وجہ ہے کہ اربعین ہمیں ابھی سے تیاری سکھا رہا ہے۔ اگر آج تم نے اپنے کردار کا تعین نہیں کیا، تو کل میدان میں تمہارا نام ناصرین میں نہیں ہوگا۔ امام کے لشکر میں صرف تلوار والے نہیں ہوں گے۔ کوئی راستے میں کھانے کا انتظام کرے گا، کوئی رہائش کا، کوئی طبی امداد فراہم کرے گا، کوئی اپنے انجینئرنگ کے ہنر سے امام کے لشکر کو سہارا دے گا۔ ہر فیلڈ کے لوگ مل کر امام کی نصرت کا جال بُنے گے۔ اور یہ سب صرف اس وقت ممکن ہے جب آج سے تم اپنے آپ کو اس کام کے لیے تیار کرو۔

دنیا کی حکومتیں جانتی ہیں کہ یہ سفر صرف زیارت نہیں بلکہ ایک عالمی اتحاد اور عملی تیاری کا مظاہرہ ہے۔ اسی لیے اس پر پابندیوں کا سلسلہ شروع ہو چکا ہے۔ پاکستان میں اس کا پہلا تجربہ کیا جا رہا ہے، اور افسوس کہ یہ کامیاب ہوتا دکھائی دیتا ہے۔ اگر یہ سلسلہ بڑھ گیا تو ہر ملک میں ایسا نظام رائج کر دیا جائے گا کہ اربعین جیسا اجتماع ممکن نہ رہے، اور جب یہ نیٹ ورک ٹوٹ جائے گا تو ظہور کے وقت امام کے ناصرین کو ایک دوسرے تک پہنچنا مشکل ہو جائے گا۔

مشی اربعین ہمیں صرف کربلا کی یاد نہیں دلاتی، یہ ہمیں آنے والے کل کی مشق کراتی ہے۔ آج اگر ہم نے طے کر لیا کہ ظہور کے وقت کہاں ہوں گے، کیا کریں گے، اور کس طرح امام کے ناصرین میں شامل ہوں گے، تو کل جب امام کی ندا آئے گی، ہم لبیک کہنے والوں کی پہلی صف میں ہوں گے۔ لیکن اگر آج ہم نے اپنے کردار کو واضح نہ کیا، تو کل ہم بھی تاریخ کے اُن کرداروں میں لکھے جائیں گے جو وقت پر حق کا ساتھ نہ دے سکے۔

The post چلو کربلا چلیں۔۔۔۔۔ مشیِ اربعین: ظہور کی مشق appeared first on Shiaqaum Live - Hindi & Urdu News Portal.

حوزہ نیوز ایجنسی کی رپورٹ کے مطابق، امام موسیٰ کاظم علیہ السلام نے مسجد نبوی (ص) میں ایک ایسا طریقہ بتایا ہے جو ہمیں یہ موقع دیتا ہے کہ ہم پورے شہر کے لوگوں کی طرف سے نیابت کر سکیں خواہ وہ کوئی بھی ہوں، کسی بھی طبقے سے تعلق رکھتے ہوں۔

ہم سب کی نیابت میں زیارت کیسے ادا کریں؟

روایت ہے کہ: ابراہیم حضرمی کہتا ہے: جب میں مکہ سے واپس لوٹا تو مدینہ میں مسجد نبوی میں امام موسیٰ کاظم علیہ السلام کی خدمت میں پہنچا۔ اس وقت آپ قبر رسول (ص) اور منبر کے درمیان تشریف فرما تھے۔

میں نے عرض کیا: “فرزند رسول! جب میں مکہ جاتا ہوں، بعض لوگ مجھ سے کہتے ہیں کہ: ‘میرے نیابت میں سات چکر طواف کرو اور دو رکعت نماز پڑھ لو۔’ لیکن میں سفر میں مصروف ہو جاتا ہوں اور یہ بات بھول جاتا ہوں۔ واپسی پر جب وہ شخص پوچھتا ہے تو مجھے معلوم نہیں ہوتا کہ کیا جواب دوں۔”

امام علیہ السلام نے فرمایا: “جب تم مکہ جاؤ اور اپنے حج یا عمرہ کے اعمال مکمل کر لو،تو سات چکر طواف کرو، دو رکعت نماز ادا کرو

اور اس کے بعد یہ دعا پڑھو: «اَللَّهُمَّ إِنَّ هَذَا اَلطَّوَافَ وَ هَاتَیْنِ اَلرَّکْعَتَیْنِ عَنْ أَبِی وَ أُمِّی وَ عَنْ زَوْجَتِی وَ عَنْ وُلْدِی وَ عَنْ حَامَّتِی وَ عَنْ جَمِیعِ أَهْلِ بَلَدِی حُرِّهِمْ وَ عَبْدِهِمْ وَ أَبْیَضِهِمْ وَ أَسْوَدِهِمْ»

«اے اللہ! یہ طواف اور یہ دو رکعت نماز میرے والد، میری والدہ، میری بیوی، میری اولاد، میرے رشتہ داروں، اور میرے تمام شہر والوں کی طرف سے ہو خواہ وہ آزاد ہوں یا غلام، سفید ہوں یا سیاہ۔»

پھر اگر تم کسی سے کہو کہ: “میں نے تمہاری طرف سے طواف کیا اور نماز پڑھی ہے”تو تم سچے ہو گے، جھوٹ نہیں بول رہے۔

اسی طرح، جب تم قبر رسول اکرم صلی اللہ علیہ وآلہ وسلم پر پہنچو،اور جو کچھ تم پر واجب ہے، اسے ادا کر لو، تو دو رکعت نماز پڑھو، پھر رسول اللہ (ص) کے سرہانے کھڑے ہو کر یہ سلام پڑھو: «اَلسَّلاَمُ عَلَیْکَ یَا نَبِیَّ اَللَّهِ مِنْ أَبِی وَ أُمِّی وَ زَوْجَتِی وَ وُلْدِی وَ جَمِیعِ حَامَّتِی وَ مِنْ جَمِیعِ أَهْلِ بَلَدِی حُرِّهِمْ وَ عَبْدِهِمْ وَ أَبْیَضِهِمْ وَ أَسْوَدِهِمْ»

«اے اللہ کے نبی! آپ پر سلام ہو میرے والد، میری والدہ، میری بیوی، میری اولاد، میرے رشتہ داروں، اور میرے تمام شہر والوں کی طرف سے خواہ وہ آزاد ہوں یا غلام، سفید ہوں یا سیاہ۔»

تب بھی اگر تم کسی سے کہو کہ: “میں نے رسول اللہ (ص) کی بارگاہ میں تمہاری طرف سے سلام پیش کیا ہے”تو تم سچے ہو گے۔

یعنی اگر کوئی شخص مکہ یا مدینہ جائے اور طواف، نماز یا سلام کرتے وقت ایک جامع نیت کرے، جیسا کہ امام کاظم علیہ السلام نے سکھایا،تو وہ پورے خاندان، رشتہ داروں، اور پورے شہر کے باشندوں “بلا تفریق” کی نیابت کر سکتا ہے۔ یہ عمل نہ صرف آسان ہے بلکہ عظیم اجر و ثواب کا بھی باعث ہے۔

The post زیارت میں سب کی نیابت کیسے کریں؟ appeared first on Shiaqaum Live - Hindi & Urdu News Portal.

🔹 رُوي أنّه قيل للإمام الصادق (عليه السلام): سيّدي، جُعلتُ فداك، إنّ الميّت يجلسون له بالنياحة بعد موته أو قتله، وأراكم تجلسون أنتم وشيعتكم من أوّل الشهر بالمأتم والعزاء على الحسين (عليه السلام)!

فقال (عليه السلام): «يا هذا، إذا هلّ هلال محرّم نشرَت الملائكة ثوب الحسين (عليه السلام) وهو مخرّقٌ من ضرب السيوف وملطَّخٌ بالدماء، فنراه نحن، وشيعتُنا بالبصيرة لا بالبصر، فتنفجر دموعنا».

مولا امام صادق علیہ السّلام سے روایت ہے. کہ مولا ص سے پوچھا گیا یا سیدی میں آپ کا فدیہ قرار پاؤں کہ کسی میت پر اس کے مرنے یا قتل ہونے کے بعد اظہار افسوس کےلیے تو بیٹھا جاتا ہے
لیکن آپ ص اور آپ ع کے شیعہ یکم محرم سے مولا حسین علیہ السلام پر ماتم و عزا کےلیے بیٹھ جاتے ہو
مولا ص نے فرمایا. جب محرم کا چاند نظر آتا ہے تو ملائکہ مولا حسین علیہ السّلام کا لباس پھیلا دیتے ہیں جو تلواروں کی ضربوں سے چھلنی اور خون میں لت پت ہوتا ہے.
پس ہم ص اور ہمارے شیعہ بصیرت سے اس لباس کو دیکھتے ہیں ناکہ عام آنکھ سے
اور ہمارے آنسو جاری ہوجاتے ہیں.

ثمرات الاعواد ص 36

The post ہم اول محرم سے عزاداری امام حسین ص کیوں شروع کر دیتے ہیں؟؟ appeared first on Shiaqaum Live - Hindi & Urdu News Portal.

غدیر کمیٹی کے ترجمان ساسان زارع نے اعلان کیا ہے کہ اس سال 10 کلومیٹر طویل غدیری دسترخوان نہ صرف تہران بلکہ ایران کے 500 شہروں اور دنیا کے 20 ممالک میں عید غدیر کے دن بیک وقت بچھایا جائے گا۔

ٱلْـحَمْدُ لِلّٰہِ ٱلَّذِي جَعَلَنَا مِنَ الْمُتَمَسِّكِينَ بِوِلَايَةِ أَمِيرِ الْمُؤْمِنِينَ عَلِيِّ بْنِ أَبِي طَالِبٍ عَلَيْهِ ٱلسَّلَامُ۔

تمام تعریف اس اللہ کے لیے ہے جس نے ہمیں امیرالمؤمنین علی بن ابی طالب علیہ السلام کی ولایت سے تمسک رکھنے والے شیعوں میں سے قرار دیا۔

The post دس کلومیٹر غدیری دسترخوان، ایران سمیت 20 ممالک میں جشن کا ماحول appeared first on Shiaqaum Live - Hindi & Urdu News Portal.

نبی کریم ﷺ نے حجۃ الوداع کے بعد جب مکہ سے واپس مدینہ کی جانب سفر شروع کیا، تو راستے میں “غدیر خم” نامی مقام پر حکمِ خداوندی کے تحت قافلہ کو روک کر ہزاروں حاجیوں کو جمع کیا۔

یہ مقام پانچ راستوں کا چوراہا تھا اور یہاں ایک چھوٹا سا تالاب (غدیر) تھا، اس لیے اسے “غدیر خم” کہا جاتا ہے۔ اللہ تعالیٰ نے سورہ مائدہ کی آیت 67 نازل کی:

“يَا أَيُّهَا الرَّسُولُ بَلِّغْ مَا أُنزِلَ إِلَيْكَ مِن رَّبِّكَ…”
(اے رسول! پہنچا دیجئے جو کچھ آپ کے رب کی طرف سے آپ پر نازل کیا گیا ہے…)
[مائدہ 5:67]

یہ آیت درحقیقت ایک انتباہ تھا کہ اگر آپ نے یہ پیغام نہ پہنچایا تو گویا رسالت کا مشن ادھورا رہ جائے گا۔

🌟 اعلانِ ولایت کا واقعہ:
گرمی کا شدید دن تھا، صحابہ کرام اپنے اپنے اونٹوں کی پالانوں پر بیٹھے تھے، نبی ﷺ نے ایک منبر کے مانند کچھ اونٹوں کے پالان رکھوا کر اس پر کھڑے ہو کر خطبہ دیا، جس میں فرمایا:

“ألست أولى بكم من أنفسكم؟”
(کیا میں تمہارے نفسوں سے زیادہ تم پر حق نہیں رکھتا؟)

سب نے کہا: “بلا یا رسول اللہ” (کیوں نہیں)

تب رسول اللہ ﷺ نے حضرت علی علیہ السلام کا ہاتھ بلند کر کے فرمایا:

“من كنت مولاه فهذا علي مولاه، اللهم وال من والاه، وعاد من عاداه…”
(جس کا میں مولا ہوں، اس کا علی بھی مولا ہے۔ اے اللہ! اس سے دوستی رکھ جو علی سے دوستی رکھے اور اس سے دشمنی رکھ جو علی سے دشمنی رکھے…)

رہبر معظم آیت اللہ سید علی خامنہ ای مدظلہ العالی نے بارہا غدیر کو فقط ایک تاریخی واقعہ نہیں بلکہ ایک الہی منصوبہ اور نظامِ حکومتِ اسلامی کا اعلان قرار دیا ہے۔ ان کے مطابق غدیر کی اہمیت امامت کے نظریہ کو جڑ سے جوڑتی ہے، اور یہی وہ لمحہ تھا جب دین مکمل ہوا، چنانچہ اس کے فوراً بعد یہ آیت نازل ہوئی:

“…اليوم أكملت لكم دينكم وأتممت عليكم نعمتي ورضيت لكم الإسلام ديناً”
[مائدہ 5:3]

رہبر معظم فرماتے ہیں کہ غدیر میں نبی ﷺ نے صرف ولایت علیؑ کا اعلان نہیں کیا بلکہ قیادت کے معیار اور اصول کا اعلان فرمایا — یعنی کہ قیادت وہی کرے جو معصوم ہو، علم کامل رکھتا ہو، عدل کا علمبردار ہو اور وحی کا وارث ہو۔

کتاب “250 سالہ انسان” میں رہبر معظم نے آئمہ اہل بیتؑ کی زندگی کو ایک مسلسل تحریک قرار دیا ہے جو امامت کے نظام کی حفاظت و ترویج کے لیے کام کرتی رہی۔ اس کتاب کے ابتدائی ابواب میں غدیر کو بنیاد بنا کر واضح کیا گیا ہے کہ امامت ایک الہی ادارہ ہے نہ کہ سیاسی فیصلہ۔ رہبر معظم لکھتے ہیں:

“غدیر فقط علیؑ کی فضیلت کا بیان نہیں تھا، بلکہ ایک مکمل سیاسی، الہی اور سماجی نظام کا اعلان تھا، تاکہ امت محمدیؐ گمراہی سے بچی رہے۔”

کتاب میں یہ بھی بیان ہے کہ آئمہؑ نے 250 سال کے دوران اسی نظام امامت کے دفاع میں قربانیاں دیں، تاکہ امت کو اصل راستہ دکھایا جا سکے۔ غدیر کا پیغام ان کی تحریک کا نقطہ آغاز تھا۔

🔥 اس الہی فریضے کی انجام دہی کا مقصد:
اسلامی قیادت کا تعین – تاکہ امت کو خلافت و حکومت کے معاملے میں اشتباہ نہ ہو۔

دین کی تکمیل – جیسے کہ سورہ مائدہ کی آیت میں اعلان ہوا کہ دین مکمل ہوا۔

فتنوں کا سدباب – بعد میں آنے والے انحرافات کا جواب اسی دن دیا گیا تھا۔

حق کا واضح اعلان – تاکہ قیامت تک مسلمان حق و باطل میں تمیز کر سکیں۔

غدیر محض تاریخ کا ایک واقعہ نہیں بلکہ اسلام کی روح ہے۔ یہ واقعہ امامت کے اصول، ولایت کی حقیقت، اور دین کے نظامِ رہبری کو واضح کرتا ہے۔ رہبر معظم سید علی خامنہ ای کی روشنی میں غدیر امت کی شناخت کا ستون ہے، اور کتاب “250 سالہ انسان” اس ستون کو آئمہ کی 250 سالہ جدوجہد سے جوڑتی ہے۔

The post علی اول علی- علی آخر علی | غدیر یعنی کیا؟ appeared first on Shiaqaum Live - Hindi & Urdu News Portal.