رہبر انقلاب نے اس کمسن بچی کے نام اپنا جواب قرآنِ کریم کے صفحہ اول پر تحریر فرمایا جس کا متن یہ ہے:

پیاری بیٹی!

قرآن حفظ کرنے کی توفیق پر آپ کو مبارک ہو!

قرآن کے ترجمہ پر بھی توجہ دیں!

نماز، حجاب، والدین کی بات سننا اور اچھی طرح پڑھائی کرنا آئندہ برسوں کے لیے میری آپ کو نصیحت ہیں۔ قرآن کریم کو اچھی طرح حفظ کریں۔

ان شاء اللہ کامیاب رہیں۔

سید علی خامنہ ای

واضح رہے یہ واقعہ اس وقت کی ہے جب شہید حاجی زادہ زندہ تھے۔ اس بات کا انکشاف حال ہی میں شہید کی بیگم نے ایک انٹرویو میں کیا اور ان کا کہنا تھا کہ شہید کو قرآن سے اتنا لگاؤ تھا کہ ہم جب بھی ان کے ساتھ رہبر انقلاب کے نام اپنا ذاتی کوئی پیغام یا سلام بھیجتے تھے تو وہ کہتے تھے کہ رہبر معظم کا وقت بہت اہم ہے اپنے ان باتوں کے ذریعے ان کا وقت ضائع مت کریں۔

لیکن جس دن ہماری پوتی نے ان سے درخواست کی اور کہا دادا جان! میں نے قرآن کے چند سپارے حفظ کیا ہے۔ تو آپ یہ قرآن اور میرا خط رہبر تک پہنچائیں گے؟ تو انہوں نے بخوشی یہ درخواست پوری کی۔

The post رہبر انقلاب کا شہید حاجی‌زاده کی پوتی کے خط کا جواب appeared first on Shiaqaum Live - Hindi & Urdu News Portal.

جبکہ کراکس نے بھی امریکی فوجی اقدامات کا مقابلہ کرنے کے لیے اپنی حکمت عملی وضع کرلی ہے۔ دونوں ملکوں کے درمیان بڑھتی ہوئی کشیدگی دفاعی اور اقتصادی سطح پر نئے مرحلے میں داخل ہوچکی ہے، جس سے واشنگٹن اور کراکس کے درمیان محاذ آرائی مزید پیچیدہ ہوگئی ہے۔

امریکی حکام خود اعتراف کرتے ہیں کہ واشنگٹن منشیات کی اسمگلنگ روکنے کے بہانے وینزویلا کے خلاف مختلف حربے استعمال کرنے کا ارادہ رکھتا ہے۔ دوسری جانب صدر نیکولاس مادورو نے ملک کی دفاعی صلاحیتوں پر اعتماد ظاہر کرتے ہوئے کہا ہے کہ وینزویلا ہر قسم کے دباؤ اور ممکنہ کارروائیوں کا مقابلہ کرنے کے لیے تیار ہے۔

امریکہ کئی آپشنز پر غور کررہا ہے جن میں سے پہلا یہ ہے کہ سی آئی اے کی نگرانی میں خفیہ آپریشنز اور جاسوسی سرگرمیوں میں اضافہ کیا جارہا ہے۔ اس کا مقصد مادورو کی حکومت کو گرانا ہے۔

دوسرا سناریو یہ ہے کہ محدود زمینی اور فضائی حملے کرکے فوجی تنصیبات اور بنیادی ڈھانچے کو نشانہ بنایا جاسکتا ہے۔ اس کے بعد ممکنہ طور پر بڑی کارروائی بھی کی جا سکتی ہے، جسے امریکی سکیورٹی ادارے معلومات اور عملی مدد فراہم کریں گے۔

تیسرا سناریو یہ ہے کہ اقتصادی دباؤ میں شدت، مزید پابندیاں اور وینزویلا کی سرگرمیوں کو دہشت گردی سے جوڑنے کی کوشش کی جائے تاکہ ملک کے قومی اثاثے اور معیشت کو کمزور کیا جاسکے۔

اس کے ساتھ ساتھ ایک ڈپلومیٹک آپشن بھی زیر غور ہے، کیونکہ امریکی حکام نے کراکس کے ساتھ براہ راست مذاکرات کی تصدیق کی ہے۔ ماہرین کے مطابق یہ راستہ ممکنہ طور پر وسیع یا طویل فوجی تصادم کو روکنے میں مددگار ثابت ہوسکتا ہے۔

کراکس کے پاس امریکی اقدامات کے خلاف منصوبے

وینزویلا کی حکومت امریکی آپریشن کے مقابلے میں کئی خصوصی حکمت عملی اپنانے کا ارادہ رکھتی ہے۔ ان میں سب سے اہم حکمت عملی گوریلا وار ہے، جس میں چھوٹے فوجی یونٹس طویل المدتی مزاحمتی کارروائیوں میں حصہ لیتے ہیں۔

دفاعی ذرائع کے مطابق تقریبا 60 ہزار فوجی اور نیشنل گارڈ کے اہلکار کسی طویل جنگ کے لیے تیار ہیں، جبکہ صدر مادورو نے کہا ہے کہ ضرورت پڑنے پر 8 ملین عام شہری بھی ملک کے دفاع کی تربیت حاصل کریں گے۔

کراکس حکومت انٹیلیجنس اداروں اور حکمران جماعت کے حمایتی مسلح گروہوں کو بھی ممکنہ امریکی مقابلے میں شامل کرنے کی حکمت عملی اپنائے ہوئے ہے۔ اس کا مقصد بیرونی مداخلت کو پیچیدہ بنانا اور میدان جنگ کو متاثر کرنا ہے۔ اس منصوبے میں 5 سے 7 ہزار اہلکار شامل ہیں۔ کراکس اس کے ذریعے ملک کے اندرونی دفاع کو مضبوط کرنا چاہتا ہے اور کسی بھی بیرونی مداخلت کو مہنگا اور مشکل بنانا چاہتا ہے۔

امریکہ وینزویلا کی فوجی صلاحیت کم کرنے اور حکومت کی حمایت کو کمزور کرنے پر توجہ مرکوز کر رہا ہے، لیکن کراکس طویل المدتی مزاحمت کو ایسا آپشن سمجھتا ہے جو کسی بھی بیرونی کارروائی کی پیچیدگی اور قیمت دونوں کو بڑھا دیتا ہے۔

The post امریکہ بمقابلہ وینزوئیلا: مادورو کے سامنے بڑھتا ہوا خطرہ appeared first on Shiaqaum Live - Hindi & Urdu News Portal.

حماس نے جنین میں دو نوجوانوں کی شہادت اور فلسطینی قوم کے تمام شہداء کی تعزیت پیش کرتے ہوئے اسے اسرائیل کے نسل کشی منصوبے کا حصہ قرار دیا ہے.

بیان میں کہا گیا ہے کہ یہ جرم کوئی تازہ بات نہیں ہے بلکہ نسل کشی اور منظم ننسلی تصفیے کی ایک نئی کڑی ہے.

حماس کے بیان میں آیا ہے کہ قابض حکومت اس اقدام کے ذریعے مغربی کنارے میں فلسطینی عوام کو نشانہ بناکر جبری بے دخلی کے منصوبے کو عملی جامہ پہنانے کی کوشش کر رہی ہے.

The post فلسطین میں بم، گولی کے بعد اب پھانسی کے ذریعے نسل کشی appeared first on Shiaqaum Live - Hindi & Urdu News Portal.

 نیوز ایجنسی کی رپورٹ کے مطابق، انجمنِ آؤ چلیں کربلا کے تحت اور المہدی ٹرسٹ کولکتہ کے تعاون سے بڈگام جموں و کشمیر میں، فاطمہ شناسی کے عنوان سے چھ روزہ ورکشاپ منعقد ہوا، جس میں 80 سے زائد خواتین و طالبات نے شرکت کی۔

پانچ دنوں تک حضرت فاطمہ زہراء سلام اللہ علیہا کی سیرت کے مختلف پہلوؤں پر خصوصی کلاسیں منعقد کی گئیں؛ کشمیر کی ممتاز معلمات نے تدریس کی خدمت انجام دی، جن میں محترمہ شمائلہ زینب، محترمہ طاہرہ نجمہ، محترمہ یاسمینہ، محترمہ نسیمہ، محترمہ مہجبین، محترمہ مرجانہ اور محترمہ زمرودہ شامل تھیں۔

ورکشاپ کے چھٹے دن، اختتامی تقریب منعقد ہوئی؛ اختتامی تقریب کا آغاز بین الاقوامی قاری اعجاز حسین صوفی کی تلاوتِ قرآن سے ہوا۔

اختتامی تقریب میں انجمنِ آؤ چلیں کربلا کی ٹیم نے حجت الاسلام مولانا عسکری کو کشمیری شال اور تحفہ پیش کیا اور ان کی اور المہدی ٹرسٹ کولکتہ کی حمایت کا شکریہ ادا کیا۔

فاطمہ شناسی ورکشاپ کی اختتامی تقریب سے کویت سے آئے ہوئے مہمان خصوصی نے حضرت فاطمہ زہراء سلام اللہ علیہا کی سیرت پر نہایت اثر انگیز گفتگو کی اور خواتین کو مخاطب کرتے ہوئے کہا کہ خواتین اپنی عملی زندگی میں حضرت زہراء سلام اللہ علیہا کی سیرت کو نمونۂ عمل بنائیں۔

اختتامی تقریب میں طالبات نے رہبرِ انقلابِ اسلامی حضرت آیت الله العظمیٰ سید علی حسینی خامنہ ای کی تصویر ہاتھوں میں لے کر رہبرِ انقلاب سے عقیدت کا اظہار کیا۔

ورکشاپس کے اختتامی امتحان اور نتائج

محترمہ سکینہ اختر نے پہلی پوزیشن، محترمہ سمینا زہراء نے دوسری پوزیشن، جبکہ تیسری پوزیشن محترمہ عترت زہراء اور انشا زہراء نے حاصل کی۔

اس موقع پر ورکشاپس میں شرکت کرنے والی خواتین و طالبات اور پوزیشن ہولڈرز میں اسناد اور تحائف تقسیم کیے گئے۔

The post جموں وکشمیر؛ انجمنِ آؤ چلیں کربلا کے تحت منعقدہ چھ روزہ فاطمہ شناسی ورکشاپ اختتام پذیر appeared first on Shiaqaum Live - Hindi & Urdu News Portal.

بات چیت میں جنگ بندی کو برقرار رکھنے اور مزید خلاف ورزیوں کو روکنے کے لیے رکاوٹوں کو دور کرنے پر توجہ مرکوز کی گئی۔

مصر کے القاہرہ نیوز چینل کے مطابق، حکام نے اسرائیل کے سول ملٹری کوآرڈینیشن سینٹر (جو جنگ بندی کی نگرانی کرتا ہے) کے ساتھ ہم آہنگی بڑھانے اور خلاف ورزیوں کو روکنے اور تعمیل کو مضبوط بنانے کے اقدامات پر غور کرنے پر اتفاق کیا۔

اس اجلاس میں مصری انٹیلی جنس کے سربراہ حسن رشاد، قطر کے وزیر اعظم اور وزیر خارجہ شیخ محمد بن عبدالرحمن الثانی اور ترکی کی نیشنل انٹیلی جنس آرگنائزیشن کے ڈائریکٹر ابراہیم قالن نے شرکت کی۔ بات چیت کا بنیادی مقصد جنگ بندی معاہدے کے دوسرے مرحلے کی کامیابی کو یقینی بنانا تھا۔

سہ فریقی اجلاس اتوار کو قاہرہ میں حماس کے ایک وفد کی مصر کے انٹیلی جنس چیف سے بات چیت کے ایک دن بعد ہوا۔ اس میٹنگ میں حماس نے پہلے مرحلے کے لیے اپنی وابستگی کا اعادہ کیا لیکن ثالثوں سے مانیٹرنگ میکنزم کا مطالبہ کیا تاکہ اسرائیلی “خلاف ورزیوں” کی نگرانی اور روک تھام کی جا سکے۔

اسرائیل اور حماس کے درمیان جنگ بندی، امریکہ، مصر، قطر اور ترکی کی ثالثی میں 10 اکتوبر 2025 کو عمل میں آئی۔ اس کے بعد سے اسرائیلی حملوں میں تیزی سے کمی آئی ہے، لیکن مکمل طور پر بند نہیں ہوئی۔

غزہ کی وزارت صحت کے مطابق 11 اکتوبر سے اب تک اسرائیلی حملوں میں کم از کم 345 فلسطینی ہلاک اور 889 زخمی ہو چکے ہیں۔اکتوبر 2023 سے اب تک اسرائیلی حملوں میں ہلاک ہونے والوں کی مجموعی تعداد 69,775 اور زخمیوں کی تعداد 170,965 ہو گئی ہے۔

The post مصر، قطر اور ترکی کے درمیان غزہ جنگ بندی معاہدے کے دوسرے مرحلے پر سہ فریقی مذاکرات appeared first on Shiaqaum Live - Hindi & Urdu News Portal.

صدر تینوبو نے کل رات دیر گئے ایک بیان میں کہا، ”مجھے تسلی ہوئی ہے کہ تمام 24 طلبہ کو بحفاظت واپس کردیا گیا ہے۔” حکومتی عہدیداروں نے یہ بھی کہا کہ لڑکیاں صحت مند ہیں اور جلد ہی ان کے خاندانوں کے ساتھ مل جائیں گی۔

حکام کے مطابق حملہ آور جنہوں نے اسکول پر دھاوا بولا، وہ عملے کے دو ارکان کو ہلاک اور طلباء کو اپنے ساتھ لے گئے۔ ان کی رہائی کا عمل ظاہر نہیں کیا گیا ہے۔ صدر نے سیکورٹی فورسز کی “تیز کارروائی” کی بھی تعریف کی۔

یہ اغوا گزشتہ ہفتے ملک کے وسطی حصے میں ایسے ہی کئی واقعات کے بعد ہوا ہے۔ ان میں ایک چرچ سے 38 نمازیوں اور نائیجر کے ایک اسکول سے 300 سے زائد طلباء کا اغوا شامل ہے۔ ان میں سے نمازیوں اور 51 طلباء کو اتوار کو رہا کر دیا گیا۔ نائیجیریا گزشتہ ایک دہائی سے بڑے پیمانے پر اغوا کے سنگین مسئلے سے دوچار ہے۔ 2014 میں چیبوک سے 276 لڑکیوں کے اغوا کے بعد سے اب تک 1500 سے زیادہ سکول کے بچے اغوا ہو چکے ہیں۔

اغوا کی بڑھتی ہوئی وارداتوں کے پیش نظر صدر ٹِنوبو نے جنوبی افریقہ میں ہونے والے جی 20 سربراہ اجلاس کے لیے اپنا دورہ منسوخ کردیا تھا اور ملک میں سکیورٹی کارروائیوں کو تیز کرنے کی ہدایت کی تھی۔

The post تمام مغوی نائجیرین طلباء کو بحفاظت رہا کر دیا گیا appeared first on Shiaqaum Live - Hindi & Urdu News Portal.

آستان قدس رضوی کے ادارہ غیرملکی زائرین کے ڈائریکٹر جناب مہدی لسانی نے آستان نیوز سے گفتگو کرتے ہوئے بتایا کہ پیغمبر اکرم (ص) اور امام حسن مجتبیٰ (ع) اور امام رضا(ع) کی شہادت کا سوگ منانے کے لئے ان پروگراموں کا انعقاد کیا جا رہا ہے تاکہ دیگر ممالک سے آنے والے زائرین ایک روحانی اور پر سکون ماحول میں عزاداری کر سکیں۔

انہوں نے مزید یہ کہا کہ ان بابرکت ایّام میں عرب زبان، اردو زبان اور آذری زبان زائرین کےلئے مختلف پروگراموں کا انعقاد کیا گیا تاکہ اہلبیت(ع) کے چاہنے والے اپنی زبان اور ثقافت کے مطابق عزاداری کرسکیں۔ عرب زبان زائرین کے خصوصی پروگرامز جناب لسانی نے گفتگو کو جاری رکھتے ہوئے عرب زبان زائرین کے پروگراموں کی وضاحت کی اور کہا کہ ستائیس صفر کو نماز مغربین کے فوراً بعد پیغمبر اکرم(ص) اور امام حسن مجتبیٰ(ع) کی شہادت کی مناسبت سے عرب زبان زائرین کے لئے حرم امام رضا(ع) کے صحن غدیر میں عزاداری کا خصوصی پروگرام منعقد کیا جائے گا جس میں پیغمبر اکرم(ص) کی زیارت پڑھی جائے گی نوحہ خوانی اور دعا کمیل قرائت کی جائے گی۔

انہوں نے مزید وضاحت دیتے ہوئے کہا کہ شہادت کے دن نماز مغربین کے بعد صحن غدیر میں عزاداری کا ایک اور خاص پروگرام منعقد کیا جائے گا جس میں عراق سے تعلق رکھنے والے خطیب جناب سید زید البطاط خطاب فرمائیں گے اور نزار القطری نوحے اور مرثیے پڑھیں گے۔ اس کے علاوہ امام رضا(ع) کی شہادت کی مناسبت سے بھی عزاداری کے مختلف پروگرامز منعقد کئے جائیں گے۔

اردو زبان زائرین کے لئےعزاداری کے خصوصی پروگراموں کا انعقادآستان قدس رضوی کے ادارہ غیرملکی زائرین نے بتایا کہ گذشتہ سال کی طرح اس سال بھی ماہ صفر کے آخری عشرے میں اردو زبان زائرین کے لئے عزاداری کے مختلف پروگراموں کا انعقاد کیا جائے گا۔

گفتگو کو جاری رکھتے ہوئے کہا کہ پیغمبر اکرم(ص) اور امام حسن مجتبیٰ (ع) کی شہادت کی مناسبت سے جمعرات اور جمعہ کو نماز مغربین کے فوراً بعد مجلس عزاء اور ماتم داری کا خصوصی پروگرام منعقد کیا جائے گا جس میں جناب محمد اجمل زیارت پڑھیں گے اور سید محمد موسوی مرثیہ خوانی کریں گے،حجت الاسلام والمسلمین سید سجاد مہدی رضوی مجلس عزاء سے خطاب فرمائیں گے اور جناب عارف حسین زاہدی اور وحید حسین لاشاری نوحہ خوانی کریں گے۔

واضح رہے کہ اردو زبان زائرین کے لئے عزاداری کے یہ پروگرامز حرم امام رضا(ع) کے رواق غدیر میں منعقد کئے جائیں گے۔ شہادت امام رضا علیہ السلام کی مناسبت سے اردو زبان زائرین کا خصوصی پروگرام حرم امام رضا(ع) کے صحن گوہر شاد میں منعقد کیا جائے گا جس میں جناب میر احمد علی رضوی مرثیے پڑھیں گے اور حجت الاسلام سید سجاد مہدی رضوی خطاب فرمائیں گے آخر میں سید عمران علی نقوی نوحے پڑھیں گے۔

آذری زبان زائرین کے پروگراموں کی تفصیلات جناب مہدی لسانی نے بتایا کہ آذری زبان زائرین کے لئے بھی پیغمبر اکرم(ص)، امام حسن مجتبیٰ(ع) اور امام رضا(ع) کی شہادت کی مناسبت سے حرم امام رضا علیہ السلام کے رواق دارالرحمہ میں عزاداری کے مختلف پروگرامز منعقد کئے جائیں گے ۔

The post مشہد المقدس میں ماہ صفر کے آخری عشرے میں منعقد کئے جانے والے پروگراموں کی تفصیلات appeared first on Shiaqaum Live - Hindi & Urdu News Portal.

اسلامی جمہوریہ ایران میں رسول خدا حضرت محمد مصطفی صلی اللہ و علیہ و آلہ وسلم کی رحلت اور امام حسن مجتبی علیہ السلام کی شہادت کے موقع پر سبھی چھوٹے بڑے شہروں میں عزاداری کا سلسلہ جاری ہے اور ملک بھر کی مساجد و امام بارگاہوں اور مقامات مقدسہ میں مجالس عزا منعقد کی جا رہی ہیں۔ بعض شہروں میں جلوس ہائے عزا بھی برآمد کیے جا رہے ہیں جن میں لاکھوں کی تعداد میں عزادار شریک ہیں۔ حضرت رسولۖ و نواسہ رسول (ع) کی رحلت و شہادت کے موقع پر مجالس عزا کا سب سے بڑا اجتماع مشہد المقدس میں روضہ حضرت علی ابن موسی الرضا میں منعقد کیا جا رہا ہے جہاں ایران اور دنیا بھر سے آئے ہوئے زائرین کی کثیر تعداد موجود ہے اور روضہ رضوی کے تمام صحن اور راہداریاں عقیدت مندوں اور سوگواروں سے مملو ہیں۔
قم المقدس میں حضرت فاطمہ معصومہ سلام اللہ علیہا کے روضے میں بھی ہزاروں کی تعداد میں ملکی اورغیر ملکی زائرین جمع ہیں اور مجالس عزا کا سلسلہ جاری ہے۔ قم القدسہ کے بعض علاقوں سے چھوٹے بڑے ماتمی جلوس بھی برآمد کیے جا رہے ہیں جو بارگاہ حضرت معصومہ (س) پہنچ کر اختتام پذیر ہو رہے ہیں-
دارالحکومت تہران میں حضرت عبدالعظیم حسنی اور امامزادہ صالح علیہ السلام کا روضہ بھی زائرین سے بھرا ہوا ہے اور علمائے کرام فضائل و مناقب اہلبیت اطہار علیھم السلام بیان کر رہے ہیں۔تہران کی تمام مساجد و امامبارگاہوں اور امام زادوں کے روضوں میں مجالس عزا منعقد کی جا رہی ہیں جن میں لاکھوں کی تعداد میں عزادار، رسول اور آل رسول (ع) کی مصیبتوں کو یاد کرکے اشک غم بہا رہے ہیں۔
منگل کی شام سے شروع ہونے والا عزاداری کا یہ سلسلہ انتیس صفر المظفر یعنی آسمان امامت و ولایت کے آٹھویں درخشاں ستارے حضرت امام رضا علیہ السلام کے یوم شہادت تک جاری رہے گا۔ عراق، شام، لبنان، پاکستان، ہندوستان اور دنیا کےدیگر شہروں میں بھی رسول خدا صلی اللہ علیہ و آلہ وسلم کی رحلت اور نواسہ رسولۖ حضرت امام حسن علیہ السلام کی شہادت کی مناسبت سے مجالس غم اور جلوس ہائے عزا برآمد کئے جارہے ہیں۔

The post پیغمبر اسلام (ص) کی رحلت اور نواسہ رسولۖ کی شہادت کا غم appeared first on Shiaqaum Live - Hindi & Urdu News Portal.

مولانا سید عمار حیدر زیدی قم

نجف سے کربلا کا یہ سفر… یہ کوئی عام واک نہیں۔ یہ وہ راستہ ہے جو ہر قدم پر ہمیں ایک سبق دیتا ہے، ایک مشق کرواتا ہے، اور آنے والے دنوں کی تیاری سکھاتا ہے۔ کربلا میں امام حسینؑ اکیلے رہ گئے تھے، بیعت کمزور ہو گئی تھی، لوگ مال کے لالچ میں، جان کے خوف میں، یا اپنی ترجیحات کے جال میں پھنس کر حق سے ہٹ گئے۔ لیکن انہی دنوں میں کچھ ایسے بھی تھے جو ہر خطرے کو خاطر میں لائے بغیر امام کے ساتھ کھڑے ہوئے۔ ہانی بن عروہ جنہوں نے مسلم بن عقیل کو اپنے گھر میں پناہ دی اور اسی جرم میں شہید کر دیے گئے۔ حبیب ابن مظاہر، جو کوفہ سے جس طرح سے نکلے وہ سب کے سامنے عیاں ہے تاکہ کربلا پہنچ کر امام کا ساتھ دے سکیں۔ یہ لوگ بتا گئے کہ وفا کا مطلب ہے، ہر حال میں، ہر قیمت پر امام کے ساتھ کھڑا رہنا۔

آج کا مشی اربعین بھی ہمیں یہی سکھا رہا ہے۔ نجف سے کربلا کے راستے پر چلتے لوگ، ایک دوسرے کی خدمت کرتے، تھکے ہوئے زائر کے پاؤں دبانے والے، اجنبی کو کھانا پیش کرنے والے، یہ سب ہمیں وہی سبق یاد دلا رہے ہیں کہ کل جب امام وقت کا ظہور ہوگا تو راستے آسان نہیں ہوں گے۔ دنیا کی طاقتیں رکاوٹیں ڈالیں گی، جیسے آج غزہ میں شہادتیں ہو رہی ہیں مگر غذا پہنچنے نہیں دی جا رہی۔ عوام کے دل غمزدہ ہیں مگر حکومتیں اپنے آقاؤں کے آگے مجبور ہیں۔ کیا آپ سمجھتے ہیں کہ کل ظہور کے وقت یہ طاقتیں ہمارے راستے چھوڑ دیں گی؟ ہرگز نہیں۔ وہ ہر ممکن کوشش کریں گی کہ امام تک پہنچنے کے راستے بند کر دیں۔

یہی وجہ ہے کہ اربعین ہمیں ابھی سے تیاری سکھا رہا ہے۔ اگر آج تم نے اپنے کردار کا تعین نہیں کیا، تو کل میدان میں تمہارا نام ناصرین میں نہیں ہوگا۔ امام کے لشکر میں صرف تلوار والے نہیں ہوں گے۔ کوئی راستے میں کھانے کا انتظام کرے گا، کوئی رہائش کا، کوئی طبی امداد فراہم کرے گا، کوئی اپنے انجینئرنگ کے ہنر سے امام کے لشکر کو سہارا دے گا۔ ہر فیلڈ کے لوگ مل کر امام کی نصرت کا جال بُنے گے۔ اور یہ سب صرف اس وقت ممکن ہے جب آج سے تم اپنے آپ کو اس کام کے لیے تیار کرو۔

دنیا کی حکومتیں جانتی ہیں کہ یہ سفر صرف زیارت نہیں بلکہ ایک عالمی اتحاد اور عملی تیاری کا مظاہرہ ہے۔ اسی لیے اس پر پابندیوں کا سلسلہ شروع ہو چکا ہے۔ پاکستان میں اس کا پہلا تجربہ کیا جا رہا ہے، اور افسوس کہ یہ کامیاب ہوتا دکھائی دیتا ہے۔ اگر یہ سلسلہ بڑھ گیا تو ہر ملک میں ایسا نظام رائج کر دیا جائے گا کہ اربعین جیسا اجتماع ممکن نہ رہے، اور جب یہ نیٹ ورک ٹوٹ جائے گا تو ظہور کے وقت امام کے ناصرین کو ایک دوسرے تک پہنچنا مشکل ہو جائے گا۔

مشی اربعین ہمیں صرف کربلا کی یاد نہیں دلاتی، یہ ہمیں آنے والے کل کی مشق کراتی ہے۔ آج اگر ہم نے طے کر لیا کہ ظہور کے وقت کہاں ہوں گے، کیا کریں گے، اور کس طرح امام کے ناصرین میں شامل ہوں گے، تو کل جب امام کی ندا آئے گی، ہم لبیک کہنے والوں کی پہلی صف میں ہوں گے۔ لیکن اگر آج ہم نے اپنے کردار کو واضح نہ کیا، تو کل ہم بھی تاریخ کے اُن کرداروں میں لکھے جائیں گے جو وقت پر حق کا ساتھ نہ دے سکے۔

The post چلو کربلا چلیں۔۔۔۔۔ مشیِ اربعین: ظہور کی مشق appeared first on Shiaqaum Live - Hindi & Urdu News Portal.

حوزہ نیوز ایجنسی کی رپورٹ کے مطابق، امام موسیٰ کاظم علیہ السلام نے مسجد نبوی (ص) میں ایک ایسا طریقہ بتایا ہے جو ہمیں یہ موقع دیتا ہے کہ ہم پورے شہر کے لوگوں کی طرف سے نیابت کر سکیں خواہ وہ کوئی بھی ہوں، کسی بھی طبقے سے تعلق رکھتے ہوں۔

ہم سب کی نیابت میں زیارت کیسے ادا کریں؟

روایت ہے کہ: ابراہیم حضرمی کہتا ہے: جب میں مکہ سے واپس لوٹا تو مدینہ میں مسجد نبوی میں امام موسیٰ کاظم علیہ السلام کی خدمت میں پہنچا۔ اس وقت آپ قبر رسول (ص) اور منبر کے درمیان تشریف فرما تھے۔

میں نے عرض کیا: “فرزند رسول! جب میں مکہ جاتا ہوں، بعض لوگ مجھ سے کہتے ہیں کہ: ‘میرے نیابت میں سات چکر طواف کرو اور دو رکعت نماز پڑھ لو۔’ لیکن میں سفر میں مصروف ہو جاتا ہوں اور یہ بات بھول جاتا ہوں۔ واپسی پر جب وہ شخص پوچھتا ہے تو مجھے معلوم نہیں ہوتا کہ کیا جواب دوں۔”

امام علیہ السلام نے فرمایا: “جب تم مکہ جاؤ اور اپنے حج یا عمرہ کے اعمال مکمل کر لو،تو سات چکر طواف کرو، دو رکعت نماز ادا کرو

اور اس کے بعد یہ دعا پڑھو: «اَللَّهُمَّ إِنَّ هَذَا اَلطَّوَافَ وَ هَاتَیْنِ اَلرَّکْعَتَیْنِ عَنْ أَبِی وَ أُمِّی وَ عَنْ زَوْجَتِی وَ عَنْ وُلْدِی وَ عَنْ حَامَّتِی وَ عَنْ جَمِیعِ أَهْلِ بَلَدِی حُرِّهِمْ وَ عَبْدِهِمْ وَ أَبْیَضِهِمْ وَ أَسْوَدِهِمْ»

«اے اللہ! یہ طواف اور یہ دو رکعت نماز میرے والد، میری والدہ، میری بیوی، میری اولاد، میرے رشتہ داروں، اور میرے تمام شہر والوں کی طرف سے ہو خواہ وہ آزاد ہوں یا غلام، سفید ہوں یا سیاہ۔»

پھر اگر تم کسی سے کہو کہ: “میں نے تمہاری طرف سے طواف کیا اور نماز پڑھی ہے”تو تم سچے ہو گے، جھوٹ نہیں بول رہے۔

اسی طرح، جب تم قبر رسول اکرم صلی اللہ علیہ وآلہ وسلم پر پہنچو،اور جو کچھ تم پر واجب ہے، اسے ادا کر لو، تو دو رکعت نماز پڑھو، پھر رسول اللہ (ص) کے سرہانے کھڑے ہو کر یہ سلام پڑھو: «اَلسَّلاَمُ عَلَیْکَ یَا نَبِیَّ اَللَّهِ مِنْ أَبِی وَ أُمِّی وَ زَوْجَتِی وَ وُلْدِی وَ جَمِیعِ حَامَّتِی وَ مِنْ جَمِیعِ أَهْلِ بَلَدِی حُرِّهِمْ وَ عَبْدِهِمْ وَ أَبْیَضِهِمْ وَ أَسْوَدِهِمْ»

«اے اللہ کے نبی! آپ پر سلام ہو میرے والد، میری والدہ، میری بیوی، میری اولاد، میرے رشتہ داروں، اور میرے تمام شہر والوں کی طرف سے خواہ وہ آزاد ہوں یا غلام، سفید ہوں یا سیاہ۔»

تب بھی اگر تم کسی سے کہو کہ: “میں نے رسول اللہ (ص) کی بارگاہ میں تمہاری طرف سے سلام پیش کیا ہے”تو تم سچے ہو گے۔

یعنی اگر کوئی شخص مکہ یا مدینہ جائے اور طواف، نماز یا سلام کرتے وقت ایک جامع نیت کرے، جیسا کہ امام کاظم علیہ السلام نے سکھایا،تو وہ پورے خاندان، رشتہ داروں، اور پورے شہر کے باشندوں “بلا تفریق” کی نیابت کر سکتا ہے۔ یہ عمل نہ صرف آسان ہے بلکہ عظیم اجر و ثواب کا بھی باعث ہے۔

The post زیارت میں سب کی نیابت کیسے کریں؟ appeared first on Shiaqaum Live - Hindi & Urdu News Portal.